Mit: Katharina Ferner – Interview * Katharina Zanon * Christine Rainer * Matthias Hütter * Verena Wagner * Christine Tippelreiter * Maximilian J. Modl * Angelika Polak-Pollhammer * Claudia Dvoracek-Iby * Christine Steindorfer * Daniela Dangl * Stefan Winterstein * Andrea Ch. Berger * Mario Huber * Roswitha Böhm * Franziska Zussner * Gabriele Müller * Dominik Kurcsics * Robert Anders * Katharina Pressl * Karin Megla * Herbert Eliasch * Eva Schreiber * Andrea Heinisch * Eduard Schlaffer * Markus Manfred Jung * Denise Wiesmahr * Günther Pilarz * Klaus Stanzer * Margit Hilde * Tobias March * Helmut Dornmayr * Sylvia Bacher * Simon Scharinger * flimmern.fischen

Rezensionen: Doris Leeb – Menscha * / Philip Bauer / Eugenio Belgrado / Anatol Vitouch – Köglberger * Markus Prem – Den Bach runter / Das Zeug dazu

Zeichnungen: Eckholz und Oleg Estis

Preis: EUR 4.- (EUR 7.- außerhalb Österreichs)
Förder-Abo (4 Ausgaben): EUR 15.- (EUR 20.- außerhalb Österreichs)
Bestellung: Online, per E-Mail (dummail@gmx.at) oder unter 0664 / 4327973.

DUM-Interview: Martin Heidl interviewt Katharina J. Ferner



Leseproben aus DUM 114:


BISD HIE IN DA MARÜN
(Christine Tippelreiter)

bisd hie in da Marün
hoda gsogd

bisd deppad
bisd augrennd
bisd wuggi
bisd varruckd
bisd augschütt
bisd auburrd
bisd autitschd
bisd schwindli
hoda ned gsogd

bisd hie in da Marün
-wiakli siaß-

es kimmd
hoid oiweu
am Mau
drauf au
wias aukimmd



OMARIANA, MATSCHMARILLE!
(Katharina Zanon)

Im Somma, eh kloa. Sem passiat's ma woll imma wida amol, dass ma di Gatschbian matschig weat. Do hilft lai ans: es frisch gekloate Gebiagswassale im Leisacha Woldschwimmbod, des sich nit amol von da Doafgschroppnpisse aufdaweamen losst. Zum Glick, wail genau aus dem Grund pockn's lai die obazachschtn Beißa aus gonz Oschttirol do aini.
Trotz unguschtiga Frotznsoache geht's ma ob, des zåpfige Wassale, des ma sogoa in da äagschtn Hitz di Gluat im bluatrotn Plutza ausdompft, mit dea i gsegnet bin. Waihwossa dribaschprenkln, tat ma mai Leisacha Oma rotn, wenn se no kannat. I bin draufkemmen: Egal, ob gweiht oda nit: An Zåpfn muass es hobn.
Wos in maina Loge grod nit leicht aufzutreibn is. Es is mittn im Winta. Und decht hon i die wachschte Matschbian de man sich voaschtelln konn. Des is fia mi eha untyp*innenisch. Zu maina Unguschteligkeit weat de Knolle a no von Muggn belogat. Wundat mi eh, dass ma nit längscht schon die Fruchtfliagn um die Marille tonzn, so gammlig wie de is. Richtig glesn: Winta is. Und decht is es so guat wie unmeglich, a Eislaggile zu findn, in des i mi kuaz amol als gonzes Waibele einetunkn kannat. Mea als zehn Sekundn dablos i's eh nia, bis ma de easchtn Oagane eingfrian. Dabai hondlt sich's maischtns um die Blose. De is nochhea natialich ongfressn. Nit seltn schpuckt se lai ma dunklgelbe Eisklumpn. In so am Foll, passiat ma seltn oba decht, tat i ma an Zåpfn zwischn die Haxn winschn.
...



I WOA NU NIE IN DA WACHAU
(Maximilian J. Modl)

I woa nu nie in da wachau
Hoaßt de wachau wachau
Weil dort olle so munter san
Oder wei's so matschig is
Owa donn was jo eher de
Waachau und ned de wachau

I woa nu nie in da wachau
I hob owa gheat, dass dort
De beste mamelad mochn
Und an schnops und eis
An kuchn und oigemein
A moads duarad und deia

I woa nu nie in da wachau
Am end soidat i amoi hifoan
Owa aundaraseits woa
Da Udo Jürgens nu nie
In New York, und dort
Woa i scho, oiso.



AN MARILLELER
(Angelika Polak-Pollhammer)

zun desinfiszieren
glei nachn aufstiahn
z mittag uan fiar d verdauung
als betthupferle
dass guat schlafn kannsch
dia darzwischen sein fiars gmiat
d leber hat er nit haltbar gmacht
über die jahr isch s hirn
wia a überreife marilln
immer woacher und woacher woarn



KAROTTNBALLETT
(Christine Steindorfer)

"Heast, foats weida, es karottnballettla es", hot da mau nebm mia ausn auto aussagschrian. An hochrodn kopf hot a dabei ghobt. Daunn hot a no zu si söbst gsogt: "de gschissanan de, dass oba a ollawö vua mia auf da stroßn umasteh meassn mit eanare stingadn mistkibn. Soin gfölligst wo ondas de autos aufhoidn." Wos ea daunn gsogt hot, hob i nimma vastondn. Oba des woa vamutli eh bessa so.
I bi mit mein radl nebn eam in so ana engan seitngossn von da mariahüfa strossn gstaunden. Do woa ned amoi fia mi gmua plotz zum voabeifoan, wö de vuan ständi mit de miskibn vo de heisa eine und ausse san. Aussadem hob i mi net traut. Dea mog sicha kane radler, hob i ma dengt und bin vuasichti mitn radl a bissl zruck. Net, dass a sein zuan aun mia auslosst.
Karottnballett, hob i zu mia gsogt, lustig eigentli. Im weiviatl hot ma fia de mistkibla kan so a nettn noman.
...