DUM NR. 50

THEMA: FEIER.FREUDE.FRUST
Mit: Markus Köhle - Interview * Hans Kumpfmüller * Caterina Satanik * Herzlinde Kriz * Birgit Reitzer * René Steininger * Gerhard Altmann * Melamar * Christian Futscher * Maria Koch * Erich Schirhuber * Traude Veran * Annemarie Regensburger * Susanne Dirr * Daniel Kindslehner * Robert Anders * Wolfgang Thiller * Judith Pfeifer * Ondrej Cíkan * Bettina Gärtner * Nadja Bucher * Martin Tockner * Richard Weihs * Mieze Medusa * Didi Sommer * Bibiana Stift * Andreas Tiefenbacher * Der Wortvertreter

Rezensionen: Clemens J. Setz - Frequenzen * Iris Hanika - Treffen sich zwei * Herbert Hindringer - Distanzschule * Isabella Breier - Interferenzen * Hans Kumpfmüller - Maschinenringlgschbui

Preis: EUR 3,30.- (EUR 5.- außerhalb Österreichs)
Förder-Abo (4 Ausgaben): EUR 13.- (EUR 20.- außerhalb Österreichs)
Bestellung: Online, per E-Mail (dummail@gmx.at) oder unter 0664 / 4327973.


Leseproben aus DUM 50:

(ohne Titel)
(Hans Kumpfmüller)

wia diarene kemma is
&
wia dsiarene gonga is
iss vobei quen
min feiaweabäi


(ohne Titel)
(Gerhard Altmann)

waun muagn dwöd undagehd
suidi no gschwind dparadeis brockn

waun muagn dwöd undagehd
kundida no amoi wos liabs sogn
zum beispüü
daßma des weißblitzade vo deine zähnd
& deine augenbraunwöön
ewich in eainnerung bleim wean

waun muagn dwöd undagehd
geri owi zum teich
in guidfischn gradulian

waun muagn dwöd undagehd
wea giaßd daun
iwamoagn in oleanda?


WOAS I NOUCH …
[Lofntola]
(Melamar)

Woas i nouch, wia meini Groußöltan dahoam gred håm, oda hån i sie schon vagesn, die Wölt von mein Kindsein?

Wåunn ma in Wåld eini gåungan san, håm die Veigl gsungan und zwuatschgat des a Freid wår. In Gedachs drinan håm sie seinare Nestlan gebaut, am Roan håm sie die Wirmlan geklaub(t). Af die Ast oubm san sie a gean gsesn. I warat so gean ans von seinan gweisn, dås i a fliagn kennt wia sei.

Woas i nouch, wia s Brod grouchn hot, aussi van Oufn frisch, so frisch wiast es in Gschäft goa net kriagst?

Woas i nouch, wia die Kuah gekölbat håt s erschti Mål und wia s geplärrt håt des oami Viech bis heraussn woa des kloani Rind?

Woas i nouch, wüfül Heana s gebn håt frira am Lånd? Jeds Haus håt Heana ghåb(t). Dås Gackern wår fia mi åls Kind imma lusti. Die Fedan hon i ma in die Hoa gsteckt ban Indianaspüln. Heit kaft ma die Eier in Gschäft. Wånn heit oana Heana håt dånn glei a poa Tausnd, oda go koani.
…


Z MORGETS
(Maria Koch)

af amol
fallt a
goldener mantl
ibers schiar nia
auhearete
nachtmeer

auwachn
dejs goldene
leichtn
ve außn
ausgrobm
z innerscht drei


KLASSNTREFFN
(Erich Schirhuber)

da schurl is fua zwa joa
sektionsschef wuan in sozieuministerium
die sonja is gemeinderetin und
frisch gschidn
da bertl is ins noanhaus kumma
sogt da fritz
a jaumma sogt da fritz
owa es is nimma gaunga mid eam
da fredl hod an weisrussin gheirad
de wos eigentlich nua a
aufendhoidsbewülichung braucht hed
de toni wü in an aschram ge
in da früzeidichn
da sepp is imma nau leara in da
hauptschui
de hermi dazöd va iare enklkinda
de wos bein sepp in da klass san
und de ingrid is scho so zua
das nix mea dazön kau