Rezensionen: Milena Michiko Flašar – Oben Erde, unten Himmel * Nadja Bucher – Rosa gegen die Verschwendung der Welt * Roland Grohs – Luka und die Guten * Markus Prem – Flinte ins Korn / Hinter hohen Mauern * Martin Troger – Ein Einzelzimmer bitte
Zeichnungen: Oleg Estis
Preis: EUR 4.- (EUR 7.- außerhalb Österreichs)
Förder-Abo (4 Ausgaben): EUR 15.- (EUR 20.- außerhalb Österreichs)
Bestellung: Online, per E-Mail (dummail@gmx.at) oder unter 0664 / 4327973.
DUM-Interview: "FASCHAUN FARENA FAGEE" mit Eva Lugbauer
Leseproben aus DUM 106:
POSCHTBUSTRIP
(Katharina Zanon)
Ein großer gelber Postbus, offensichtlich nicht mehr das neueste Modell, bahnt sich seinen Weg durch die schmalen Täler Osttirols. Schlängelt sich durch die gebirgige Region bis in die kleinsten der ohnehin schon menschenarmen Dörfer und sammelt reisefreudige Einheimische mit interessanten Mundarten auf. "De redn, wi senen es Maul gwogsn is ..." Zwei davon sind Landeier genug, um nicht mehr zu den Lienzner "Stodtnafockn" zu zählen. Genausowenig fühlen sie sich aber den gern verlachten "Obalandla" zugehörig, obwohl die Ausdehnung dieses nach Italien führenden Landstrichs umstritten ist. Vroni und Maridl kehren vom Pilzesammeln im Debanttal nach Leisach zurück.
V: "Poschtlapoppile, du klans Poschtlapoppile, heeee jooo, du bisch mai Poschtlapoppele.
I mecht di hoppalen, du klanes Poppale,
Bisch mai Oawaschlwiamele, jooo hee, du oames Pimpfele
tiaf vagrobn im Ohrwaschlgwindele, do is dai Windhesle,
dai ongschaßtes Windl ..."
M: "Boa, des Hund zipft on, he! Dia hauts woll schtott im Poschtlapoppile es Pecknvoggile ausa! De Haihupfarin vazapft an sakrischn Schmorrn, I wea jo nimma ... Du Vroni, in Echt hez: Los zua amol! Wos bische denn angach so grian, nit lai hinta di Oawaschl? Dai gonzes Gfriss is af amol so ranzig grosig. Wos isn ..."
ZWEIERLEI GRÜN
(Johannes Lerch)
1
Aum Raund von Wean,
irgendwo in Favoritn,
mittn auf ana Kreizung,
afoch so auf da Stroßn,
pickt a Patzl irgendwos Grünes.
I wunda mi, schau, wos des greane Patzl is, und siach, dass des klane greane Patzl, des do mittn auf da Stroßn pickt, a Patzl a Spinot is.
Und i frog mi, wieso do mittn auf da Kreizung afoch so a Spinot pickt und wia des klane Patzl Spinot do auf die schiache, dreckige Kreizung in Favoritn kumma is.
Najo, woascheindlich hot ane oder ana a Toschn volla Zeig von an Gschäft hamzaht und do diafat ihr oder hoit eam a Sackl Blottspinotzwutschkerln aus da Toschn grutscht, obeplatscht und aufplatzt sei. Und do is woi aus dem aufplatztn Sackl ans von de Blottspinotzwutschkerln aussekullat.
Und jetzt liegt des valurane Blottspinotzwutschkerl gaunz alla do mittn auf da Kreizung. No dazua im Regn. Und weus mittn auf ana Kreizung in Favoritn liegt, is's scheinboa scho des äftan von an Auto oder goa an Bus ibafoarn wurn und aus dem valuranen Blottspinotzwutschkerl is inzwischn a zagatschtes Cremespinotpatzl wurn. Und weus regnt, rinnt des mittlerweule Cremespinotpatzl gwuadane Blottspinotzwutschkerl laungsaum, noch und noch, mitn Regn owe in nächstn Kanäu. Owe in dreckign, finstan, stingatn Kanäu.
...
LINIE 777
(Martin Peichl)
Vitis - Haslau - Heidenreichstein (Streckenzeit: 31 Minuten)
Vitis Hauptplatz
Vermissn is a kurvnreiche Streckn,
mit Kilometa, de ma in Minutn misst,
wo ma genau waß, wia laungs nu dauat,
bis ma duat und do is
mit Kilometa, de ma in Minutn misst,
wo ma genau waß, wia laungs nu dauat,
bis ma duat und do is
Heinreichs
de Ortsnaumen klingan wia da Wind,
dazwischen de Vegl, si haum vagessn,
rechtzeitig in Südn zu fliagn,
jetzt bauns schiefe Nesta,
in deine und meine Hoa
...
dazwischen de Vegl, si haum vagessn,
rechtzeitig in Südn zu fliagn,
jetzt bauns schiefe Nesta,
in deine und meine Hoa
ABWESENHEITSNOTIZ
(Silke Gruber)
Da Bua håt gråd gspiebm. Da Bus isch nit kemmen.
Die Buhz håm mi aukeb: In Schein wellns ma nemmen.
Es Madl isch grippig, i kunn a nix dafia.
Die Årbeita kemmen mit da nein Eingångstia!
Die Vabindung woa letz: I håb koa Wort vaståndn.
I hock ålm no im Fliaga: Der håt nit derfn låndn.
I kimm heit nit vu da Schissl: wegnen Sauakraut.
Mei Auto håms einparkt - dass sich des oana traut!
Da Nåchbår håt sich aukeng. Es WhatsApp håt gspunnen.
Die Leitung isch undicht: Im Båd rinnt da Brunnen.
Es WLAN isch ogstürzt. Vun an Mail woaß i nix.
Üban Diwan bin i gstolpat: I håb iatz an Gips.
Und stellen Sie sich vor: Vu heit auf morgn
isch a no die Tant Anni gstorbn!
Långe Rede, kurzer Sinn: Wårum i nit erreichbår bin.
WIA HÄTTN SCHMUUSN KEENAN
(Bianca M. Klein)
Busse solltn vabotn wean. Mir homs imma nua bewiesn, dass i net mit Menschn kaun. Oda vümea, dass die Leit mit mia a Problem hom. Scho in da Schul. Olle foahn mit diesm deppertern Bus, nur i net. I foa mitm Radl, weil wia zu noh an da Schul wohnan. Eh, i woa a Streber, drum hob i des eh geliebt. Aba für meine sozialn Fähigkeitn hots ma net gholfn. De woan a so scho sehr rar gesät und allanig aufm Radl hom sa si a net weitaentwicklt. Bei di aundaren im Bus scho. Do is geflörtet und geknutscht wordn, Freindschoftn füas Lebn gschlossn. Des hob i dann erst im Studium aungfaungan. Wo ma olle mit da U-Baun gfoahn san. Aba in da Schul homs mi imma vagessn, weil i im Bus nie dabei woa, wo die wichtign Entscheidungen troffn wordn san. Wer mit wem beim Schikuas im Zimma schloft. Mia is daun imma nua die komische Beate bliebn, die ständig great hot. Bleder Bus!
Seitdem vameid i jegliche soziale Interaktionen in an Bus.
...
