Rezensionen: Thomas Arzt – Die Gegenstimme * Lena Johanna Hödl – Emotionaler Leerstand im privaten Eigentum * Carolin Emcke – Tagebuch in Zeiten der Pandemie
Zeichnungen: Eckholz, Oleg Estis
Preis: EUR 4.- (EUR 7.- außerhalb Österreichs)
Förder-Abo (4 Ausgaben): EUR 15.- (EUR 20.- außerhalb Österreichs)
Bestellung: Online, per E-Mail (dummail@gmx.at) oder unter 0664 / 4327973.
DUM-Interview: "DEM WORT RAUM GEBEN" mit ChristiAna Pucher
Leseproben aus DUM 98:
WIADAWÖ
(ChristiAna Pucher)
an neichn sprudla
ausm christbam schnitzn
bis da schowa
ausn ofm zholn is
eam daunn
mit ana schtosuppm
vadruckn
danoch dositzn
ins noankastl schaun
umadum sudan
in gaunzn tog
dafia auf d nocht
dem robmbratl ane banian
daunn is ois wieda
weribari
DIE OMA SOGDT RONDEWUU DAZUA
(Katherina Braschel)
...
Donauinsel | John
Er is zirka genauso haaß wia aufm Foto und er hod ah zirka genau densöbn Schmäh wia beim Schreibn. Es rennd.
Ihr gehds von aana Bruckn zur ondan, imma a bissl weniga Elefondtnkind zwischn eich. Eicha zweits Bier is laa und imma nu gspiad si's deppad on, oba du frogst, wia's so ausschaud, ob'a eh testn woa und ob'a vielleichd sunst nu a Bier bei dir mog.
Des Bier dahaam trinkts dreiviertl aus.
Wiara kumman is, legt'a si hin und duad di Oarm hintan Schädl. Du woartsd a bissl, liegst nebn erm und schaust zua, wia sei Schwonz longsom zomgehd und des Kondom auf seim Oberschenkl festbickd. Es is imma a bissl wia Luft auslossn, denkst da wieda amoi.
"Äh", sogsd noch fünf Minutn, "oiso i bin nu ned kumman."
"Boah", sogta und du muasd di scho oag zomreißn, dass'd ned glei die Augn vadrahst, "des is ma quasi nu nia passiert, najo, beim nächstn Moi fix, vasprochn."
Donn mochta an Zwinkara. An. Zwinkara.
Du ziagsd di on und wiara nochan imma nu im Bett ummaliegd, hoidst erm sei Bierfloschn hi und frogst, ob'as nu fürn Weg Haam hom mechd.
...
DIESE WELT IST EIN SCHROTTHAUFEN, DIESE WELT IST EINE EINZIGE MÜLLHALDE
(Raoul Eisele)
manchmal liegt die schönheit im auge des betrachters, manchmal ist das auge vom alkohol getrübt, manchmal sagst du, sei die welt noch in ordnung, manchmal hast du einen ganz schönen knall
puppal, drei bier owa pronto
glei harri ... warum ich mir das immer noch antue, werden sie fragen, warum ich mir immer noch und immer wieder diese anrede gefallen lassen muss und ich nichts dagegen sagen darf und warum ich, ach, um ehrlich zu sein, so wirklich kann ich es auch nicht erklären, es ist eben, wie es ist oder es ist, was es sein muss, zu sein hat oder eben den lauf der welt kann man nicht ändern, das war schon immer so, dass wird auch weiterhin so sein
na heast puppal, schee schaust wieda aus, a echte erscheinung in deim blumenkleidl, da wü ma glei dron riachn - so a bissl beschnuppern, wennst wast, wos i man und wennst mogst, dearfst natürlich a bei mia, oiso an meim eau de cologne, gö ... nix mocht dem weibavoik schnöller wache knia, konnst ma glaubn, des sogt sogar die resi - wei wias mi grochn hot, hots glei gmahnt, kana hot so an außergewöhnlichen duft wia i ...
glücklicherweise hat sich mein geruchssinn an die ausdünstungen gewöhnt; an den kalten, abgestandenen rauch, die manchmaligen gerüche von erbrochenem und schweiß; auch die anmachsprüche dieser aufgeschwemmten gesichter gehen mittlerweile spurlos an mir vorüber, in ein ohr rein, beim anderen wieder raus. nur die von fett triefenden kneifzangen sind mir noch zu viel; zwar reicht meist ein abwenden des körpers, doch muss eben auch ein auf die finger klopfen folgen, damit sie es lernen - was für sie aber nur ein größerer ansporn ist, bei dem sie sich bemüßigt fühlen, es wieder und wieder zu versuchen, eine herausforderung, denken sie sich dann
na geh, i wuit jo goar nix mochn, außer den fodn ozupfn, der vo deim gänseblümchen obsteht -
des schaut jo nix gleich, wennst mi frogst
...
Hans Kumpfmüller
do muas
des fleisch vom kalb sein
bei da bania iss wuaschd
ob des iazd
a ansa
a zwara
oda
a dreiabania
is
des wase
wei i bin a
gleanda zivila lebnsmiddlbolezisd
and
from austria bine a
&
mid an sechan
legadme i an iara schdoi ned ou
wei sunsd
zagg zagg
se wissnd scho
CORONABEISL
(Harald Jöllinger)
Bei so an Huanwetta kumman kane Gäst. Nua de Koatndippla hockn do. De bleibn länga. Vielleicht, dass de Oide kummt mit dem schiachn Hundsviech. Oba zvü Regn. De muass ia Gute-Nacht-Achterl daham saufn. Wonn's ia da Oide gestattet.
Des Tiarl obn loss i offn. De Höh kummt scho net. Und wonn, donn sog i, dass de Koatndippla meine Freind san. Is e a bissl woah. Und ma wird do no seine Freind eilodn diafn. Scheiss Regierung! Scheiss Ausgangssperre! Scheiss Corona! Jetzt kummt do ana. Den kenn i net. Der is sicha kana von da Höh, mehr a Sandla. Na, do net. Der redt so nobel. Frogt, ob er Platz nehmen darf. Kloa deaf a. Den konn ma jo net aussehaun bei dem Huanwetta. Wiad imma äaga. De gonze Strossn schwimmt scho. Mea Wossa ois Luft. Oba a solida Gost. Hängt sein Montl auf. Legt sei Beasl aufn Tisch. A dicks Beasl. Ob ich ihm eine Suppe kredenzen könnte. Der redt gschwoin. Woahscheinlich a Beomta. Dosensuppen hob i. Spargel- oder Tomatencreme. Er wü Spargel. Sicha a hochs Viech, a Hofrot.
Zwa Minutn aufweaman in da Mikro. Und net im Tölla seavian, sondan in so an Suppntassl. Zerscht den Staub ausseblosn. Vawend i jo nie, de Tassln. Oba supa, des is elegant fian Hofrot.
Er schluckt's, oiso schmeckt's eam. Obwois nua a Dosnfutta is. I kumm glei. Vier Vodka fia de Dippla. De brauchn nix zum Fressen. Ob es schon zu spät für eine Hauptspeise sei. Najo. Paniate Hendlfliagaln, oiso Chicken Wings, hob i eigfroan. Und a Packl Rotkraut. Jo, des taugat eam. Ob ich ihm dazu ein Achtel Traminer empfehlen würde. Kloa, Traminer passt zum Hendl. A Gourmet is a, da Hofrot.
...
